ನಾಯಿ ಮರಿ ಅಂದ್ರೆ ಕೆಲವರಿಗೆ ಭಯ ಮತ್ತೆ ಕೆಲವರಿಗೆ ಪ್ರೀತಿ. ನಾಯಿಯನ್ನು ನೋಡಿ ಓಡಿ ಹೋಗುವವರು ಇದ್ದಾರೆ ಅದನ್ನು ಹತ್ತಿರ ಕರೆದು ಮುದ್ದು ಮಾಡುವವರು ಸಹ ಇದ್ದಾರೆ.
ನಾಯಿ ಬಹಳ ಬುದ್ಧಿವಂತ ಹಾಗು ಸೂಕ್ಷ್ಮ ಪ್ರಾಣಿ. ನಾಯಿಗಳು ನಮ್ಮಂತೆ ಮಾತನಾಡದಿದ್ದರೂ ಪ್ರತಿ ಮಾತನ್ನು ಒಂದಲ್ಲ ಒಂದು ರೀತಿಯಲ್ಲಿ ಪ್ರತಿಕ್ರಿಯಿಸುತ್ತದೆ, ಮಾತುಬರದ ಸಣ್ಣ ಮಗುವಿನಂತೆ.
ನಾಯಿಯ ಸ್ವಾಮಿ ನಿಷ್ಠೆ ಪ್ರೀತಿ ವಿಶ್ವಾಸ ಮನುಷ್ಯ ನೋಡಿ ಕಲಿಯಬೇಕು. ಯಜಮಾನ ಎಂತಹ ಮನುಷ್ಯನೇ ಆಗಿರಲಿ, ನಾಯಿ ನಿಯತ್ತಿಂದ ಇರುತ್ತದೆ. ಮಕ್ಕಳ ಮನಸ್ಸಿನಂತೆ ನಿಷ್ಕಲ್ಮಶವಾದದ್ದು ಅವುಗಳ ಮನಸ್ಸು. ಹುಟ್ಟಿನಿಂದ ಕೊನೆಯವರೆಗೂ ಹಾಗೆ ಇರುತ್ತವೆ ಅವು. ಆದರೆ ಮನುಷ್ಯರು ಬದಲಾಗುತ್ತಾನೆ ಹೋಗುತ್ತಾರೆ ಪ್ರತಿ ದಿನ ಪ್ರತಿ ನಿಮಿಷ ಪ್ರತಿ ಘಳಿಗೆ. ಮನಸ್ಸಿನಲ್ಲಿ ಒಂದು ಹೊರಗೆ ಇನ್ನೊಂದು. ಮೋಸ ವಂಚನೆ ಎಲ್ಲ ಸೇರಿರುತ್ತೆ. ಪ್ರಾಣಿಗಳಿಂದ ಕಲಿಯಬೇಕಾದದ್ದು ತುಂಬ ಇದೆ ಅದ್ರೆ ಕಲಿಯೋ ಮನಸ್ಸು ಹೃದಯ ಇದೆಯೇ?
