ಹೂನಗೆ

ಅವಳ ಅರಳಿದ ತುಟಿಗಳ ನಡುವೆ ಮೂಡಿದ ಹೂನಗೆ
ಅವನ ಬರಡಾದ ಮನಸ್ಸಿಗೆ ತಂದಿತು ಸಂತಸದ ಹೂಮಳೆ.

ಮನ ಸೆಳೆಯಿತು ಆ ಮುಖದಿ ಮಾಸದ ಮುಗ್ಧತೆ
ಸುಂದರ ಸೌಮ್ಯ ಕಂಗಳು ಹೇಳಿತು ಪ್ರೇಮದ ಕವಿತೆ.

ಹರುಷ ತುಂಬಿದ ಮನದಲ್ಲಿ ಮೂಡಿತು ಅಧಮ್ಯ ಬಯಕೆ
ಅವಳ ಸವಿಜೇನಿನ ತುಟಿಗಳಿಗೆ ಕೊಡಲು ಸಿಹಿ ಕಾಣಿಕೆ.

ಸಿಹಿ ಹೆಚ್ಚಾಗಿ ಕೊಡಬೇಕಾಯಿತು ಪ್ರೇಮದ ಕಾಣಿಕೆ
ಮನ ಮರೆತ ಕಾರಣ ಕುತ್ತಿಗೆಗೆ ಬಿತ್ತು ಆಜೀವ ಕುಣಿಕೆ.

ಅವಳ ಅರಳಿದ ತುಟಿಗಳ ನಡುವೆ ಮೂಡಿದ ಹೂನಗೆ
ಅವರಿಬ್ಬರ ನೆಮ್ಮದಿಯ ಬಾಳಿಗೆ ಹಾಕಿತು ಬಿಡಿಸದ ಬೆಸುಗೆ.