ಭಾವನೆಗಳು

ಮನದ ಭಾವನೆಗಳೆಲ್ಲ ಸೇರಿ ಭಾವಗೀತೆ ಮೂಡಿತು
ರಾಗ ರಸಭಾವಗಳೆಲ್ಲ ಸೇರಿ ಮಧುರಗೀತೆ ಆಯಿತು.

ಬಣ್ಣ ಬಣ್ಣದ ಭಾವನೆಗಳು ಕಾಮನಬಿಲ್ಲಿನಂತೆ ಹೊಮ್ಮಿತು
ಬೇರೊಂದು ಲೋಕವ ಪರಿಚಯಿಸಿ ವಾಸ್ಥವಕ್ಕೆ ಮರಳಿತು.
ಅಂತರಂಗದ ಸುಪ್ತ ಭಾವಗಳು ರೆಕ್ಕೆ ಬಿಚ್ಚಿ ಹಾರಿತು
ಮುಗಿಲ ಮುಟ್ಟಿ ಭಯವ ಮೆಟ್ಟಿ ಸಂತಸದಿ ಮನ ಬೆಳಗಿತು.

ಮನದ ಮಧುರ ಭಾವಗಳೆಲ್ಲ ಅಕ್ಷರ ರೂಪ ಪಡೆಯಿತು
ಸುಂದರ ಸವಿಭಾವಗಳೆಲ್ಲ ನಿತ್ಯನಿರಂತರವಾಯಿತು.
ಮನದ ಭಾವಗಳಿಗೆಲ್ಲ ಹೃದಯವು ಮೌನವಾಗಿ ಸಮ್ಮತಿಸಿತು
ರಾಗ ರಂಜಿತ ಮನದ ಭಾವಗಳು ಮಧುರ ಭಾವಗೀತೆಯಾಯಿತು.

ಮನದ ಭಾವನೆಗಳೆಲ್ಲ ಸೇರಿ ಭಾವಗೀತೆ ಮೂಡಿತು
ರಾಗ ರಸಭಾವಗಳೆಲ್ಲ ಸೇರಿ ಮಧುರಗೀತೆ ಆಯಿತು.